Կոնտենտ մարքեթինգ. լսարանի 3 տիպերը

Կոնտենտ մենեջերների ամենատարածված սխալներից մեկն այն է, որ նրանք երբեմն փորձում են ստեղծել կայք՝ բոլորի համար և ամեն ինչի մասին: Ինչը սակայն բերում է կոնվերսիայի չափազանց ցածր մակարդակի: Կրկին հանգում ենք կարևորագույն խնդրին՝ որոշել, թե որն է մեր թիրախային լսարանը:

Պոտենցիալ հաճախորդներին դասակարգելու տարբեր մեթոդներ կան. ըստ սոցիալ-դեմոգրաֆիական ցուցանիշների, ըստ այն թունելների, որոնցով նրանք հասնում են մեզ, ըստ նրանց կենտրոնացվածության տարբեր սոցիալական հարթակներում և այլն:

Jeffrey K. Rohrs-ը օնլայն լսարանը դասակարգելու մի հետաքրքիր սկզբունք է առաջարկում՝ կախված կոնտենտի տարբեր տեսակների նկատմամբ լսարանի հետաքրքրվածության պատճառներից:

Ամերիկացի մասնագետը առաջարկում է առանձնացնել 3 տիպի լսարան՝ փնտրողներ, խթանողներ և հետևողներ:

Փնտրողներ.

Սրանք ինտերնետի այն օգտվողներն են, ովքեր հանդիպել են որևէ խնդրի և լուծումը փնտրում են օնլայն հարթակներում:

Փնտրողի կերպարը՝

  • Փնտրում են կոնկրետ ինֆորմացիա
  • Նրանց հետաքրքրում է միայն այն կոնտենտը, որը կլուծի իրենց խնդիրը
  • Կարող են մոտենալ ամենատարբեր թունելներով. վճարովի, սոցիալական ցանցեր, որոնողական համակարգեր և այլն
  • Նրանք ամբողջությամբ ազատ են իրենց շարժման մեջ. իրենք են որոշում երբ գալ և երբ գնալ: Սա թերևս գլխավոր բնութագրիչն է:

Ընդ որում, փնտրողների հոսքի որոշ մասը սովորաբար լինում է ոչ թիրախային լսարանից, ովքեր պատահաբար կամ սխալմամբ են հայտնվել Ձեզ մոտ:

Խթանողներ.

Խթանողները Ձեր արտաքին գործընկերներն են, Ձեր թիմը, ովքեր արդեն ունեն լսարան: Որպես խթանողներ կարող ենք դիտարկել կարծիքի առաջնորդներին (opinion leader), Ձեր թղթակիցներին, վերլուծաբաններին, ոլորտի մասնագետներին և այլն: Խթանող կարող են լինել նաև գոհ հաճախորդները և ստրատեգիական գործընկերները:

Խթանողի գործողությունները շատ պարզ են.

  • Նա ուսումնասիրում է Ձեր առաջարկած կոնտենտը
  • Ձեր կոնտենտով կիսվում է իր լսարանի հետ

Խթանողի կերպարը՛

  • Կիսվում են միայն այն կոնտենտով, որը իրենց հետաքրքիր է
  • Կիսվում են միայն այն ժամանակ, երբ ցանկանան
  • Խթանողի գլխավոր նպատակը սեփական լսարանի մեծացումն է

Հետևողներ.

Հետևողներն ինտերնետի այն օգտվողներն են, ովքեր ուղղակիորեն պահում են կապը Ձեզ հետ: Նրանք կոնտենտ մենեջերի երազած լսարանն են. նախաձեռնող, ակտիվ, քննարկող, արձագանքող: Նրանք տրամադրում են իրենց անձնական տվյալները, որ առաջինը ստանան այն կոնտենտը, որը դուք կառաջարկեք:

Հետևողի կերպարը.

  • Ազատորեն կիսվում են իրենց կոնտակտային տվյալներով
  • Ձեր կայքն ավելացնում են իրենց նախընտրելիներ ցուցակում, միանում են Ձեր առաջարկած համայնքներին
  • Մտնում են իրենց համար վստահելի մարքեթինգի թիրախային լսարանի մեջ: Թույլ են տալիս, որ կապվեք իրենց հետ
  • Հաճույքով մասնակցում են մարքեթինգային հետազոտություններին և կիսվում են դրանց արդյունքներով
  • Շատ արագ դառնում են հաճախորդ

 

Փնտրողների, խթանողների և հետևողների վրա է հիմնված կոնտենտ առաջարկող ցանկացած օնլայն ռեսուրս, սակայն լսարանի այդ տիպերը հստակ սահմանազատում չունեն: Նրանք գտնվում են անընդհատ շրջապտույտի մեջ: Մարդիկ, ովքեր այսօր ընդամենը փնտրող են, վաղը կարող են շատ արագ վերածվել խթանողի կամ հետևողի: Կամ հակառակը՝ եթե դադարեք պահանջված կոնտենտ մատուցել, կկորցնեք Ձեր հետևողներին:

Իհարկե այդ շրջապտույտի մեջ կոնտենտ մենեջերի առաջնային խնդիրը հնարավորինս շատ հետևողներ ձեռք բերելն է:

Ինչպե՞ս աշխատել լսարանի 3 տիպերի հետ

Արդեն պատկերացրեցինք, թե որոնք են լսարանի 3 տիպերը և դրանք ինչ բնութագրիչներ ունեն: Շատ լավ: Իսկ ինչպե՞ս պետք է աշխատել դրանցից յուրաքանչյուրի հետ:

Փնտրողների հետ աշխատանք.

Փնտրողը շատ բծախնդիր, պահանջկոտ և միևնույն ժամանակ անշնորհակալ օգտվող է: Նա միշտ սպասում է կոնկրետ օգուտ ստանալ իր այցելած ռեսուրսից և այն ստանալուց հետո կարող է անմիջապես հեռանալ: Փնտրողների հետ համագործակցությունը հնարավոր է միայն այն դեպքում, եթե Ձեզ հաջողվի նրանց արագ տեղափոխել լսարանի մյուս մակարդակներից որևէ մեկը՝ դարձնելով խթանող, հետևող, կամ միանգամից՝ հաճախորդ:

Ձեզ և փնտրողին կապող հիմնական օղակը որոնողական համակարգերն են: Ուստի անհրաժեշտ է ներկայություն ապահովել բոլոր այն հարթակներում, որտեղ հնարավոր է լինեն փնտրողները.

  • անձնական բլոգ
  • սոցիալական ցանցեր
  • օնլայն համայնքներ
  • թեմատիկ կայքեր
  • ուղղակի գովազդ
  • կոնտեքստային գովազդ
  • հովանավորչություն և այլն

Խթանողների հետ աշխատանք.

Խթանողները, փաստացիորեն, անվճար մարքեթինգ են անում Ձեր օգտին: Նրանք օգնում են մեծացնել Ձեր լսարանը, ավելացնել այցելուների հոսքը դեպի Ձեր կայք: Խթանողները օգնում են, որ փնտրողներին դարձնեք հետևող:

Այստեղից հետևություն՝ կոնտենտ մենեջերները պետք է խթանողներին ապահովեն բոլոր անհրաժեշտ միջոցներով և տեղեկատվությամբ.

  • հրապարակումներ բլոգում
  • էլեկտրոնային գրքեր
  • տեսանյութեր
  • ցուցադրություններ
  • մամուլի հաղորդագրություններ
  • նկարագրություններ, վերլուծություններ և այլն

Խթանողները ի սկզբանե հետաքրքրված լսարանն են, ուստի սիրով կտարածեն ձեր կոնտենտը, եթե այն բավականաչափ հետաքրքիր լինի իրենց անձնական լսարանի համար:

Հետևողների հետ աշխատանք

Ձեր գլխավոր նպատակներից մեկը պետք է լինի հետևողների լսարանը պահելը և ավելացնելը, քանի որ նրանք շատ մոտ են հաճախորդ դառնալուն, կամ արդեն Ձեր հաճախորդներն են: Հետևողների հետ անհրաժեշտ է հաստատել երկարաժամկետ հարաբերություններ:

Հետևողների հետ աշխատանքը պետք է իրականացվի՝ հետևելով այս 4 կանոններին.

  • Ճիշտ հաղորդագրություն
  • Ճիշտ ընթերցողին
  • Ճիշտ ժամանակին
  • Ճիշտ հարթակից

Ստեղծեք հետաքրքիր, ուրախ և, որ ամենակարևորն է՝ օգտակար կոնտենտ: Հիշեք՝ ընթերցողները բծախնդիր են. մեկ անգամ անզգույշ լինելով՝ կարող եք կորցնել լսարանի զգալի հատվածը: Եվ ինչպես հայտնի է՝ կորցրած լսարանը հետ բերելը շատ ավելի դժվար է, քան պահելը:

Ամփոփելով. քանի դեռ մենք ընթերցողներին դիտարկում ենք որպես անդեմ մասսա, թիրախային լսարանի ավելացումը գործնականում անհնարին է մնում: Ուստի՝ անհատականացրեք Ձեր կոնտենտը: Չէ՞ որ կոնկրետ անհատի հետ զրուցելը շատ ավելի հեշտ է, քան ամբոխի:

Իսկ ինչպե՞ս եք Դուք աշխատում Ձեր լսարանի հետ: Ովքե՞ր են Ձեր իդեալական ընթերցողները: 

Ձեր կարծիքով, առաջարկներով և դիտողություններով կարող եք կիսվել հոդվածի մեկնաբանություններում, կամ մեր ՖԲ էջում` ArmContent:

6 կարծիք «Կոնտենտ մարքեթինգ. լսարանի 3 տիպերը»-ի վերաբերյալ

  1. Ծանուցում՝ 10 կարևոր խորհուրդ Facebook-ում առաջխաղացման համար | armcontent

  2. Ծանուցում՝ 10 կարևոր խորհուրդ Facebook-ում առաջխաղացման համար | armcontent

  3. Ծանուցում՝ Ինչպե՞ս վերնագրի օգնությամբ գրավել ընթերցողներին | armcontent

  4. Ծանուցում՝ Ինչպե՞ս մեծացնել Facebook-ում հրապարակման արդյունավետությունը | ArmContent

  5. Ծանուցում՝ Ինչպես բարձրացնել հրապարակման արդյունավետությունը Ֆեյսբուքում | ArmContent

  6. Ծանուցում՝ 19 հարց, որոնք կօգնեն կառուցել պոտենցիալ հաճախորդի կերպարը | ArmContent

Թողնել պատասխան

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Փոխել )

Twitter picture

You are commenting using your Twitter account. Log Out /  Փոխել )

Facebook photo

You are commenting using your Facebook account. Log Out /  Փոխել )

Connecting to %s