Ինչպե՞ս վերնագրի օգնությամբ գրավել ընթերցողներին

Գովազդի արքան՝ Դեյվիդ Օգիլվին, պնդում էր, որ միջինում մարդիկ վերնագրերը կարդում են 5 անգամ ավելի հաճախ, քան դրանց հաջորդող տեքստերը: Այստեղից հետևություն՝ եթե Դուք վերնագրում չեք նշում Ձեր պրոդուկտի մասին, կամ չեք ստիպում մարդկանց՝ կարդալ տեքստը, ապա կորցնում եք Ձեր պոտենցիալ հաճախորդների 80%-ին:

Եթե Դուք բացել եք այս հոդվածը և կարդում եք, ապա հավանաբար համաձայն եք Օգիլվիի հետ: Այսպիսով, մեր խնդիրն է՝ գրել այնպիսի վերնագրեր, որոնք կմեծացնեն հաճախելիությունը և կնպաստեն վաճառքների աճին:

1. Խոստում. արդյո՞ք խոստանում եք, որ հաճախորդը օգուտ կստանա՝ կարդալով Ձեր հոդվածը

Սա թերևս ամենապարզ և ակնհայտ մեթոդն է: Շահույթ ստանալու հնարավորությունը գրավում է մարդկանց, նրանք փորձում են բացահայտել, թե որն է վերնագրում խոստացված այդ գաղտնիքը, որից իրենք կարող են օգուտ քաղել:

Համեմատեք.

  • «Ֆինանսական մենեջմենթ», Ի. Դիդենկո, Ն. Մորոզկո
  • «Ավելի շատ գումար Ձեր բիզնեսից», Ա. Լևիտաս

Առաջին վերնագիրը ընդամենը նշում է թեման, իսկ երկրորդը խոստանում է, որ եթե կարդաք գիրքը, կկարողանաք ավելացնել Ձեր բիզնեսի եկամտաբերությունը

Այս մեթոդը լավ աշխատում է նաև «ինչպե՞ս»-ով սկսվող վերնագրերի դեպքում.

  • «Ինչպե՞ս աշխատել մեծ գումար փոքր բիզնեսով», Ջեֆրի Ֆոքս;
  • «Ինչպե՞ս գրել վերնագիր, որը կխոցի ընթերցողին», Ջո Վիտալե.

2. Թիրախավորում (targeting). Ու՞մ համար է նախատեսված Ձեր կոնտենտը

Վերնագրում նշելով, թե ում համար է նախատեսված հոդվածը, Դուք զտում եք լսարանը և կենտրոնանում եք թիրախային լսարանի վրա: Սա նաև օգնում է, որպեզի տվյալ կոնտենտով հետաքրքրվողները հեշտությամբ կողմնորոշվեն և ընտրեն հենց Ձեր առաջարկածը:

Որպես օրինակ՝ Ջեյ Կոնրադ Լևինսոնի հեղինակած ձեռնարկների վերնագրերը.

  • «Պարտիզանական մարքեթինգը գրողների համար»
  • «Պարտիզանական մարքեթինգը ֆինանսական խորհրդատուների համար»
  • «Պարտիզանական մարքեթինգը ինտերնետում»

3. Ինտրիգ. շարժեք ընթերցողի հետաքրքրասիրությունը

Դրա համար հաճախ օգտագործվում են գեղարվեստական գրականությանը բնորոշ հնարքներ:

Օգտագործեք փոխաբերություններ, դարձվածքներ, ասույթներ … ցանկացած գեղարվեստական հնարք, որը ինտրիգ կստեղծի:

  • «Լողալ շնաձկների հետ և չդառնալ նրանց ավարը», Հարվի Մաքքեյ
  • «Մարքեթինգային նոր տեխնոլոգիաներ: Հավատարմության ոսկե բանալին» Թոմաս Օսենտոն
  • «CRM՝ լույսի արագությամբ: Ինտերնետի միջոցով հաճախորդների ներգրավումն ու պահպանումը ժամանակակից դարաշրջանում», Պոլ Գրինբերգ

Երբեմն փոխաբերություններն այնքան դիպուկ են լինում, որ թվում է թե ստեղծված են հենց Ձեր կոնտենտի համար.

  • «Մարքեթինգային պատերազմներ», Ջեք Թրաութ
  • «Գովազդային ռումբ: Շուկան պայթեցնող քոփիրայթինգի բաղադրատոմսը», Յուլյա Ռիմաշևսկայա
  • «Մասսայական ոչնչացման քոփիրայթինգ», Դենիս Կապլունով

4. Վերնագիրը պետք է մատնանշի հոդվածի արժեքավորությունը

Թվերը կարող են մեծացնել հոդվածի նկատմամբ վստահությունը.

Նշված բոլոր դեպքերում թվերը օգնում են վերնագիրը դարձնել էլ ավելի համոզիչ և վստահելի:

5. Գրեք լակոնիկ վերնագրեր

«Համառոտությունը տաղանդի քույրն է», — ասում է Չեխովը: Կարելի է վերնագրում երկար-բարակ նկարագրել հոդվածի էությունը, կամ կարելի է կարճ-կոնկրետ խփել թիրախին.

  • «Լոգոտիպ» («Logolounge»), Բիլլ Գարդներ;
  • «Սիմվոլ», Անգուս Հայլենդ;
  • «Գովազդ», Ֆրենկ Ջեֆկինս

Կարճ վերնագիրը միշտ ավելի գրավիչ է: Ինչքան բառերը քիչ լինեն, այնքան դրանց վրա ավելի շատ ուշադրություն կկենտրոնանա: Սակայն կարճ վերնագիրը նույնպես պետք է հնարավորինս ճիշտ բնութագրի հոդվածի էությունը:

6: Երկխոսություն. ընթերցողի հետ զրույցի բռնվեք դեռ վերնագրում

Ընթերցողի հետ անհրաժեշտ է զրուցել նույն լեզվով: Գրեք հնարավորինս պարզ և մատչելի.

  • «Ավելի շատ գումար Ձեր բիզնեսից», Ա. Լևիտաս
  • «Ինչպե՞ս դառնալ բիզնեսմեն», Օլեգ Տինկով
  • «Երբե՛ք մի հանձնվիր», Ջոն Էյկեն

7. Օգտագործեք թրենդային բառեր

Պետք չէ մոռանալ SEO-ի (Search engine optimization) մասին: Ինչքան էլ Ձեր վերնագրերը մոտիվացնող և հետաքրքիր լինեն սոցցանցերում, չպետք է մոռանալ, որ ընթերցողների մի զգալի հատված Ձեր կոնտենտին հասնում է որոնողական համակարգերի միջոցով: Դրանք այն հաճախորդներն են, ովքեր փնտրում ենք կոնկրետ խնդիրների լուծումներ (սրա մասին արդեն խոսել ենք)

Փորձեք օգտագործել ճիշտ բանալի բառեր (key words) վերնագրում: Դա Ձեր հոդվածը ավելի օպտիմալ կդարձնի SEO-ի տեսանկյունից:

8. Համատեղեք վերոնշյալ հնարքները: Մի սահմանափակվեք միայն մեկով

Ինչպես հավանաբար նկատեցիք, հեղինակներից շատերը իրենց վերնագրերում օգտագործում են լսարանը գրավելու միաժամանակ մի քանի մեթոդներ: Եթե բերված օրինակները բավական չէին, ահա ևս մեկը. «Մենեջերի 45 դաջվածքները. ռուսաստանցի ղեկավարի կանոնները», Մաքսիմ Բատիրև:

Նշված օրինակում կիրառված են վերոնշյալ գրեթե բոլոր մեթոդները:

Եթե ունեք հարցեր, առաջարկներ կամ նկատողություններ, կարող եք թողնել Ձեր մեկնաբանությունները այս հոդվածի տակ, կամ մեր Ֆեյսբուքյան էջում:

8 կարծիք «Ինչպե՞ս վերնագրի օգնությամբ գրավել ընթերցողներին»-ի վերաբերյալ

  1. Ծանուցում՝ Facebook-ը «կխեղդի» խափուսիկ քլիքաբեր վերնագրերով հրապարակումները | armcontent

  2. Ծանուցում՝ Facebook-ը «կխեղդի» խափուսիկ, քլիքաբեր վերնագրերով հրապարակումները | armcontent

  3. Ծանուցում՝ Ինչպե՞ս նախապատրաստել հոդված 10 րոպեում | armcontent

  4. Ծանուցում՝ Բլոգում իդեալական հոդվածի կառուցվածքը ԵՎ բաղադրիչները (ԻՆՖՈԳՐԱՖԻԿԱ) | armcontent

  5. Ծանուցում՝ Բլոգում իդեալական հոդվածի կառուցվածքը և բաղադրիչները (ԻՆՖՈԳՐԱՖԻԿԱ) | armcontent

  6. Ծանուցում՝ Կայքերի 10 թերություններ, որոնք նյարդայնացնում են ընթերցողին | armcontent

  7. Ծանուցում՝ Digital Marketing Services Կայքերի 10 թերություններ, որոնք նյարդայնացնում են ընթերցողին

  8. Ծանուցում՝ Բլոգում հոդվածի իդեալական կառուցվածքը և բաղադրիչները (ԻՆՖՈԳՐԱՖԻԿԱ) | ArmContent

Թողնել պատասխան

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Փոխել )

Twitter picture

You are commenting using your Twitter account. Log Out /  Փոխել )

Facebook photo

You are commenting using your Facebook account. Log Out /  Փոխել )

Connecting to %s