Facebook-ը «կխեղդի» խաբուսիկ, քլիքաբեր վերնագրերով հրապարակումները

Այսօր Ֆեյսբուքում բավականին մեծ տարածում է գտել վերնագրով խաբելու և հաճախումներ «գողանալու» տհաճ երևույթը:Հավանաբար ձեզնից շատերը գոնե մեկ անգամ խաբված կլինեն դրանցով: Իրոք, նյարդայնացնող է …

Հայտնի է, որ Facebook-ը ակտիվորեն աշխատում է News Feed-ը հնարավորինս հետաքրքիր և օգտակար դարձնել մարդկանց համար:

Հունիսի 29-ին Ֆեյսբուքը պաշտոնապես հայտարարեց, որ լրահոսում նախապատվությունը տրվելու է ընկերների և բարեկամների արած հրապարակումներին: Սրա նպատակը այն էր, որ մարդիկ բաց չթողնեն իրենց հարազատների կյանքում տեղի ունեցող իրադարձությունները:

Երեկ՝ օգօստոսի 4-ին Ֆեյսբուքը ևս մեկ շատ հետաքրքիր հայտարարություն արեց առ այն, որ իրենք թարմացնում են News Feed-ը և շարունակում են պայքարել խաբող, քլիքաբեր (Click-baiting) վերնագրերի դեմ:

Ֆեյսբուքը դեռևս 2014-ից մշակել էր մի ալգորիթմ, որի օգնությամբ, այն հոդվածները, որոնք բացելուց հետո մարդիկ անմիջապես վերադառնում են News Feed, լրահոսում հայտնվում են ավելի ցածր տեղերում: Սա իհարկե իր արդյունքը տվեց: Սակայն ամբողջությամբ չլուծեց խնդիրը: Մարդիկ ցանկանում են լրահոսում տեսնել միայն հավաստի ինֆորմացիա:
Այսպիսով՝ հաջորդ շաբաթվանից Ֆեյսբուքը կգործարկի իր թարմացված News Feed-ը: Երկար հետազոտությունների արդյունքում Facebook-ի թիմը հավաքել է քլիքաբեր վերնագրերին բնորոշ արտահայտությունների մի հսկայական բազա, որը կներդրվի ալգորիթմում:

Ի՞նչ է սա նշանակում:

Այսուհետ, այն հրապարակումները, որոնց վերնագրերում, կամ բնութագրություններում կլինեն քլիքաբեր, խաբող արտահայտություններ, կհայտնվեն News Feed-ի ավելի ցածր հատվածներում: Ֆեյսբուքը նաև ուշադրություն է դարեձնելու հրապարակման աղբյուրին: Եթե տվյալ աղբյուրը պարբերաբար նմանատիպ հնարքների է դիմում, ապա վերջինիս բոլոր հրապարակումները ավելի ցածր տեղերում կհայտնվեն:
Հայտարարության մեջ ասված է, որ եթե վերոնշյալ էջերը ժամանակի ընթացքում փոխեն իրենց քաղաքականությունը և սկսեն ճիշտ և ինֆորմատիվ վերնագրեր գրել, նրանց հրապարակումները կրկին կհայտնվեն վերևում:

Այս փոփոխությունները հասարակ օգտվողի համար անմիջապես տեսանելի չեն լինի, սակայն ժամանակի ընթացքում News Feed-ը ավելի արդյունավետ կերպով կֆիլտրի ինֆորմացիան և մարդկանց կմատուցի հենց այն, ինչը իրենց հետաքրքրում է:

Մի՛ խաբեք մարդկանց էժանագին հնարքներով և սովորեք, թե ինչպես վերնագրի օգնությամբ գրավել ընթերցողներին:

Եթե ունեք հարցեր, առաջարկներ կամ նկատողություններ, կարող եք թողնել Ձեր մեկնաբանությունները այս հոդվածի տակ, կամ մեր Ֆեյսբուքյան էջում:

2 կարծիք «Facebook-ը «կխեղդի» խաբուսիկ, քլիքաբեր վերնագրերով հրապարակումները»-ի վերաբերյալ

  1. Ծանուցում՝ Կայքերի 10 թերություններ, որոնք նյարդայնացնում են ընթերցողին | armcontent

  2. Ծանուցում՝ Կայքերի 10 թերություններ, որոնք նյարդայնացնում են ընթերցողին | armcontent

Թողնել պատասխան

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Փոխել )

Twitter picture

You are commenting using your Twitter account. Log Out /  Փոխել )

Facebook photo

You are commenting using your Facebook account. Log Out /  Փոխել )

Connecting to %s