A/B Testing — Ինչպե՞ս մեծացնել հաճախումների հոսքը եվ կոնվերսիան

Դիզայնի, վեբ ծրագրավորման կամ ինտերնետ մարքեթինգի հետ առնչվող մարդիկ հավանաբար լսած կլինեն A/B Testing-ի մասին: Այս գործիքը երբեմն այնքան պարզ է թվում, որ մարդիկ թերահավատորեն են մոտենում դրան, սակայն արդյունքը հաճախ զարմացնում է:

Հոդվածում ներկայացված են A/B թեսթի էությունը, սկզբունքները և մի քանի պարզ խորհուրդներ այն ավելի արդյունավետ դարձնելու համար:

Ի՞ՆՉ Է A/B Testing-ը:

Այն պարզ հնարք է, որը հնարավորություն է տալիս, համեմատելով կայքի կամ կոնտենտի 2 տարբերակները (A և B), բացահայտել, թե դրանցից որ մեկն է ավելի շատ գրավում լսարանին: Արդյունքում հնարավորություն է ստեղծվում բարձրացնել հաճախումների հոսքը (traffic) և կոնվերսիան (conversion): A/B թեսթը կարելի է հաջողությամբ կիրառել նաև e-mail marketing-ի ժամանակ:

ԻՆՉՊԵ՞Ս Է ԱՅՆ ԱՇԽԱՏՈՒՄ

Ամեն ինչ շատ պարզ է. լսարանը բաժանում ենք երկու հավասար մասերի: Մի մասին ներկայացնում ենք A տարբերակը, մյուսին՝ B-ն: Որոշ ժամանակ անց համեմատում ենք ստացված տվյալները և որոշում, թե A և B տարբերակներից ո՞ր մեկն է հաղթող:

02.png.pagespeed.ce.BmWcShEZAM

Ի՞ՆՉԸ ԿԱՐԵԼԻ Է ՓՈՐՁԱՐԿԵԼ

  1. Վերնագրերը (Headlines)Без названия (1)
  2. Ենթավերնագրերը (Sub headlines)
  3. Հոդվածի տեքստը (Paragraph Text)
  4. Դրական կարծիքները և երաշխիքները
    (Testimonials)
  5. Գործողության կոչի տեքստը (Call To Action Text)
  6. Գործողության կոչի կոճակը (Call To Action Button)
  7. Հղումները (Links)
  8. Նկարները (Images)
  9. Սոցցանցերի կոճակները և այլն

ԻՆՉԻ՞Ց ՍԿՍԵԼ

Առաջին քայլը պետք է լինի թեսթի նպատակի սահմանումը: Դա կարող է լինել օրինակ՝ այցելուների թվի ավելացումը, կոնվերսիայի բարձրացումը, կրկնակի գնումների խթանումը և այլն: Սակայն պետք չէ ամեն ինչ համատեղել և փոխել կայքը ամբողջությամբ. դա կարող է հակառակ էֆեկտն ունենալ:


Հաջորդիվ անհրաժեշտ է .

1. Կազմել մանրակրկիտ պլան

Առանց պլանավորման չարժի սկսել:

Կազմեք գործողությունների մանրակրկիտ պլան: Բոլոր փուլերը պետք է միտված լինեն նախապես սահմանված նպատակին հասնելուն և պետք է համաձայնեցված լինեն միմյանց հետ:

2. Ընտրեք մեկ փոփոխական

Միանգամից մի փորձեք փոխել ամեն ինչ: Ընտրեք միայն մեկ փոփոխական, որը ցանկանում եք փորձարկել:

Այդ դեպքում նաև հեշտ կլինի համեմատել արդյունքները և հստակ հետևություններ անել:

 

3. Որոշեք ժամկետները

Ցանկալի է, որ А/В թեսթը տևի առնվազն 1 շաբաթ: Սակայն խորհուրդ չի տրվում այն շատ երկարաձգել (ամենաշատը՝ 2 ամիս):

4. Ձերբազատվեք ավելորդություններից

Վախը, անվստահությունն ու կասկածամտությունը կարող են խանգարել թեսթի հաջողությանը:

Բացահայտեք և հեռացրեք ամբողջ կասկածելի և թերի կոնտենտը, որը կարծում եք՝ կարող է նվազեցնել կոնվերսիան:

5. Հավաքեք տվյալները

Թեսթը մեկնարկելու պահից սկսած հետևեք վիճակագրությանը և նշումներ արեք: Սակայն հաշվի առեք, որ եթե թեսթը սխալ է կազմված (օրինակ կա մեկից ավելի փոփոխական), ապա տվյալները արժանահավատ չեն լինի:

Վիճակագրությունում նկատելով դրական փոփոխություններ՝ կարող եք վստահորեն անցնել հաջորդ փուլերին:

6. Կատարեք համապատասխան փոփոխություններըA/B թեսթի հաջող ավարտից և արդյունքները ուսումնասիրելուց անմիջապես հետո կատարեք համապատասխան մշտական փոփոխությունները:

Չարժե անմիջապես սկսել ևս մեկ A/B թեսթ: Չափազանց հաճախակի փոփոխությունները (նույնիսկ ամենալավերը) բացասաբար են ազդում կոնվերսիայի վրա:

Մի՛ վախեցեք և մի՛ խուսափեք փնտրել ստեղծագործ լուծումներ: Գրագետ արված A/B թեսթերի արդյունքում Դուք ոչինչ չեք կորցնում, փոխարենը՝ դրանց  օգնությամբ Ձեր կայքը գնալով էլ ավելի արդյունավետ է դառնում:

Կիսվեք Ձեր տպավորություններով, ինչպես նաև տվեք Ձեր հարցերը այս հրապարակման մեկնաբանություններում կամ մեր Ֆեյսբուքյան էջում:

 

Մեկ կարծիք «A/B Testing — Ինչպե՞ս մեծացնել հաճախումների հոսքը եվ կոնվերսիան»-ի վերաբերյալ

  1. Ծանուցում՝ Կայքերի 10 թերություններ, որոնք նյարդայնացնում են ընթերցողին | armcontent

Թողնել պատասխան

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Փոխել )

Twitter picture

You are commenting using your Twitter account. Log Out /  Փոխել )

Facebook photo

You are commenting using your Facebook account. Log Out /  Փոխել )

Connecting to %s