«Կոնտենտ մարքեթինգ. ինչի՞ց սկսել» հոդվածում ներկայացրել էինք, թե ինչ հարցերի է անհրաժեշտ պատասխանել` մինչև կոնտենտ-մարքեթինգային արշավ սկսելը և ինչից է պետք սկսել: Այս հոդվածում կփորձենք ներկայացնել բլոգում հոդվածի իդեալական կառուցվածքն ու բաղադրիչները:

Վերնագիրը կարդում են մի քանի անգամ ավելի շատ, քան ցանկացած այլ տեքստ: Հոդված գրելիս կարևոր է այնպես ձևակերպել վերնագիրը, որ այն գրավի հնարավորինս շատ ընթերցողների և ստիպի բացել հոդվածը:

Այս մասին ավելի մանրամասն կարդացեք «Ինչպե՞ս վերնագրի օգնությամբ գրավել ընթերցողներին» հոդվածում:

2. Մուտքային տեքստ

Եթե ընթերցողին կարողանաք գրվել առաջին 3-4 նախադասություններում, ապա նա, ամենայն հավանականությամբ, մինչև վերջ կկարդա հոդվածը: Ուստի մուտքային տեքստի խնդիրն է` ստիպել ընթերցողին շարունակել կարդալ:

3. Լուսանկար

Գաղտնիք չէ, որ լուսանկարն ընթերցողներին գրավելու ամենակարևոր միջոցներից մեկն է: Ուստի, հնարավորության դեպքում, անպայման օգտագործեք գունեղ, տպավորիչ և հետաքրքրող լուսանկարներ:

Ի դեպ, սովորաբար ընթերցողը հոդվածի մասին նախնական տպավորություն կազմելու համար սկսում է կարդալ ամենակարճ տողերը: Եթե Դուք լուսանկար տեղադրեք մուտքային տեքստի կողքին, ապա դրանով արհեստականորեն կկարճացնեք տողերը: Սա ավելի կմեծացնի հավանականությունը, որ ընթերցողը կկարդա մուտքային հատվածը:

4. Ենթավերնագիր 1

Առաջին ենթավերնագրի խնդիրը ընթերցողին համոզելն է, որ կարդա Ձեր կոնտենտի առաջին մասը: Դա բարդ չէ. խոստացեք նրան, որ հաջորդիվ իրեն սպասում է շատ հետաքրքիր և օգտակար բովանդակություն (Խոստանալ չի նշանակում խաբել 🙂 )

5. Կոնտենտ (մաս I)

Կոնտենտի առաջին հատվածում ցանկալի է շեշտը դնել էմոցիաների վրա: Երբ մարդիկ էմոցիոնալ ազդեցության տակ են լինում, ավելի հեշտ է պահել նրանց ուշադրությունը, ավելի հեշտ է համոզել նրանց, որ ինչ-որ գործողություն (action) անեն (գրանցվել, գնում կատարել, ներբեռնել app-ը և այլն):

---

Ի դեպ, հետևեք մեր ՖԵՅՍԲՈՒՔՅԱՆ ԷՋԻՆ և ստացեք օգտակար ինֆորմացիա DIGITAL MARKETING-ի մասին:

---

 

6. Գործողության կոչ 1 (Call to Action)

Կոնտենտի առաջին մասում կենտրոնացեք սոցցանցերի վրա: Փորձեք այնպիսի մտքեր գրել, որոնք հեշտ լինի տարածել սոցցանցերով: Հնարավորության դեպքում օգտագործեք այնպիսի plugin-ներ, որոնք թույլ են տալիս անմիջապես հոդվածից շատ արագ share անել ինչ-որ հատվածներ:

Մարդիկ սիրում են մեջբերումներ անել հայտնիներից, մասնագետներից: Եթե Դուք համոզեք նրանց կիսվել Ձեր գրառումներով, ապա կկարողնաք ամրապնդել մասնագետի Ձեր իմիջը սոցցանցերում: Դա նաև լրացուցիչ լսարան կբերի Ձեր կայք:

7. Ենթավերնագիր 2

Եթե ընթերցողը հասել է 2-րդ ենթավերնագրին, ուրեմն Դուք նրան բավականաչափ հետաքրքրել եք: Սակայն, ամեն դեպքում, որպեսզի նա չձանձրանա և շարունակի կարդալ մինչև վերջ, անհրաժեշտ է ևս մեկ խոստում տալ: 2-րդ ենթավերնագրում ցույց տվեք, որ ամեն ինչ դեռ առջևում է, և կարդալով հոդվածը մինչև վերջ` ընթերցողը կստանա ևս մի խմբաքանակ օգտակար կոնտենտ:

8. Կոնտենտ (մաս 2-րդ)

Այս հատվածում օգնեք ընթերցողին հասնել իր նպատակներին: Տվեք օգտակար ինֆորմացիա: Եթե այս հատվածում կարողնաք արդյունավետ կոնտենտ տրամադրել, ընթերցողը հոգաչափ շնորհակալ կլինի:

9. Գործողության կոչ 2 

Այս հատվածում արդեն կարելի է ընթերձողին դրդել ավելի ակտիվ գործողությունների: Արդեն կարող եք փորձել համոզել, որ նա գրանցվի կամ գնում կատարի:

---

Ստորև ներկայացնում ենք հոդվածի իդեալական կառուցվածքը ինֆոգրաֆիկայի տեսքով: 

Այս կառուցվածքը, իհարկե, կարող է ենթարկվել փոփոխությունների` կախված կոնտենտից, ոլորտից և նպատակներից:

Հուսով եմ` հոդվածը օգտակար էր: Փորեք էլ ավելի արդյունավետ դարձնել Ձեր բլոգը: Իսկ եթե դեռ չունեք, ճիշտ ժամանակն է սկսելու 🙂

Հետևեք մեզ նաև Facebook-ում: