Ինչպես են մարդիկ օգտագործում կապի սարքավորումները (Google-ի զեկույցը)

Ինտերնետ մարքեթոլոգների համար շատ կարևոր է իմանալ, թե ինչպես են մարդիկ օգտագործում կապի սարքավորումները: Այս թեմայով Google-ը օրերս ներկայացրեց իր հետազոտության արդյունքները: Զեկույցում նշված է, թե ինչպես, երբ և որտեղ են մարդիկ օգտագործում կապի միջոցները, որ միջոցներից են ավելի շատ օգտվում, ինչ են փնտրում և այլն:

Կարևոր բացահայտումներ. 

  • Մոբայլն առաջին տեղում է
  • Մենք ազատորեն տեղաշարժվում ենք մի սարքավորումից մյուսը
  • Սարքավորումների օգտագործումը կախված է մեր գտնվելու վայրից
  • Որոնելիս գերակշռում է մոբայլը
  • Web կայքերը ամենաշատ օգտագործվող ռեսուրսն են և փնտրվում են կապի բոլոր սարքավորումներով

1. Մոբայլն առաջին տեղում է

Մարքեթոլոգների համար անչափ կարևոր է հասկանալ, թե ինչ շփման կետեր ունեն հաճախորդների և պոտենցիալ գնորդների հետ: Ինչքան այդ կետերը շատանում են, այնքան ավելի լայն հնարավորություններ են ստեղծվում մեծացնելու բրենդի տեսանելիությունը:

Իսկ միջինում օրվա ընթացքում կապի ի՞նչ սարքավորումներից են ավելի շատ օգտվում մարդիկ: Վիճակագրությունը ցույց է տալիս, որ բացարձակ առաջատարը սմարթֆոններն են:

Կապի սարքավորումների օգտագործումը օրվա ընթացքում

Մարդկանց մի մասն էլ օգտվում է միայն սմարթֆոնից կամ միայն համակարգչից: Այստեղ նույնպես հետաքրքիր պատկեր է ստացվում. միայն սմարթֆոնից օգտվողների թիվը գրեթե կրկնակի գերազանցում է միայն համակարգչից օգտվողների թվին:

Միայն սմարթֆոնից օգտվողների թիվը

2. Մենք ազատորեն «տեղաշարժվում» ենք մի սարքավորումից մյուսը

Մարդիկ սկսել են ավելի հաճախ «տեղաշարժվել» տարբեր սարքավորումների միջև: Ավելին՝ մենք հաճախ օգտվում ենք մի քանի սարքավորումից միաժամանակ:

Օգտագործում են մեկից ավելի սարքավորում

3. Սարքավորումների օգտագործումը կախված է մեր գտնվելու վայրից

Google-ի հետազոտությունները ցույց են տալիս, որ սարքավորումների օգտագործման վրա ազդում է նաև մադկանց գտնվելու վայրը: Սմարթֆոններից հիմնականում օգտվում են տանը, աշխատավայրում և խանութներում:

4. Որոնումների մեծ մասը կատարվում է սմարթֆոններից

Բավականին տպավորիչ տվյալներ են ստացվել որոնումների վերաբերյալ: Պարզվում է՝ մարդկանց մեծամասնությունը (շուրջ 40%) իրեն պետքական ինֆորմացիան փնտրում է սմարթֆոնով, այլ ոչ թե համակարգչով:

Ավելի շատ որոնում են սմարթֆոնով

5. Web կայքերը ամենաշատ օգտագործվող ռեսուրսն են և փնտրվում են կապի բոլոր սարքավորումներով

Այստեղ պատկերը ավելի կանխատեսելի էր: Web կայքերը շարունակում են մնալ ամենափնտրվող ռեսուրսները: Գրեթե բոլորը՝ շուրջ 94%, միջին վիճակագրական օրվա ընթացքում օգտվում են web կայքերից: Ընդ որում, այստեղ պատկերը գրեթե հավասար է թե՛ մոբայլ և թե՛ համակարգչային դիտումների համար:


Այս տվյալները չափազանց կարևոր են ինտերնետ մարքեթինգի հեռանկարներն ավելի հստակ պատկերացնելու և ժամանակին համընթաց շարժվելու համար: Թվային աշխարհը փոփոխվում է ավելի արագ, քան մենք պատկերացնում ենք:

Google-ի ամբողջական զեկույցը կարող եք կարդալ այստեղ:


ArmContent-ին կարող եք հետևել նաև Facebook-ում, Twitter-ում և GooglePlus-ում:

2 կարծիք «Ինչպես են մարդիկ օգտագործում կապի սարքավորումները (Google-ի զեկույցը)»-ի վերաբերյալ

  1. Ծանուցում՝ Ինչպես մշակել կոնտենտ-ռազմավարություն | ArmContent

  2. Ծանուցում՝ Ինչպես մշակել կոնտենտ ռազմավարություն | ArmContent

Թողնել պատասխան

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Փոխել )

Twitter picture

You are commenting using your Twitter account. Log Out /  Փոխել )

Facebook photo

You are commenting using your Facebook account. Log Out /  Փոխել )

Connecting to %s