Կոնտենտ մարքեթինգային արշավ սկսելուց առաջ անհրաժեշտ է ճանաչել ընթերցողին, ճանաչել պոտենցիալ հաճախորդին:

Լավ է ասված, այնպես չէ՞: Իսկ ինչպե՞ս ճանաչել: Չէ՞ որ մենք չենք կարող անձամբ ծանոթանալ մեր բոլոր հաճախորդների, պոտենցիալ հաճախորդների ու ընթերցողների հետ:

Ամեն ինչ այնքան էլ բարդ չէ: Պարզապես պետք է պատասխանել մի շարք հարցերի և պատասխանները ֆիքսելով՝ կազմել իդեալական ընթերցողի կերպարը, ով մեր պոտենցիալ հաճախորդն է:

19 հարց, որոնց պատասխանները կօգնեն կառուցել իդեալական հաճախորդի կերպարը.

1. Ի՞նչ կարող է պոտենցիալ հաճախորդը գնել մեզնից:

2. Ի՛նչ օգուտ կստանա՝ գնելով մեր արտադրանքը կամ ծառայությունը. ի՞նչ խնդիր ենք լուծում:

3. Ինչպիսի՞ն է մեր հաճախորդը:

4. Ի՛նչ տարիքի է:

5. Ի՞նչ սեռի ներկայացուցիչ է:

6. Ո՞րտեղ է բնակվում:

7. Ինչպե՞ս է գումար վաստակում:

8. Ի՞նչ է սիրում:

9. ի՞նչ չի սիրում:

10. Ինչի՞ց է վախենում:

11. Ինչու՞ պետք է հետաքրքրված լինի մեր արտադրանքով (ծառայությունով):

12. Ինչու՞ պետք է գնի հենց մեզնից, այլ ոչ մեր մրցակիցներից:

13. Ի՞նչ ակնկալիքներ ունի՝ գնելով մեր արտադրանքը (ծառայությունը):

14. Ի՞նչ հանգամանքների է ուշադրություն դարձնում մինչև գնելը:

15. Ո՞րտեղից և ինչպե՞ս պետք է նա իմանա մեր մասին:

16. Ի՞նչ կարծիք ունեն մեր մասին նախկին հաճախորդները:

17. Ինչպե՞ս է գինը ազդում գնելու կամ չգնելու որոշման վրա:

18. Ի՞նչ այլ հանգամանքներ կան, որոնք կարող են ազդել որոշման վրա:

19. Ինչպե՞ս կապվել պոտենցիալ հաճախորդի հետ: Որո՞նք են նրա նախընտրած շփման կետերը:

Ընթերցողի կերպարը ավելի հստակ պատկերացնելու և կոնտենտ մարքեթինգային արշավը ճիշտ պլանավորելու համար անհրաժեշտ է նաև իմանալ, թե որոնք են  լսարանի 3 տիպերը:

Այժմ, երբ ունենք այս հարցերի պատասխանները և պատկերացնում ենք, թե ով է մեր պոտենցիալ հաճախորդը, կարող ենք ավելի հստակ թիրախավորել մեր կոնտենտը: Պոտենցիալ հաճախորդի կերպարը ունենալով՝ կարող ենք մեծացնել նաև սոց. ցանցերում գովազդի արդյունավետությունը՝ այն ավելի ճիշտ թիրախավորելով:

ArmContent-ին կարող եք հետևել նաև Facebook-ում, Twitter-ում և GooglePlus-ում: